Poslovne vijesti - Makedonija

1.188 годишни и 900 месечни ЦЕМТ дозволи

Транспортерите за 2012 година ќе имаат на располагање 1.188 годишни и 900 месечни маѓународни ЦЕМТ дозволи.

Од Министерството за транспорт и врски истакнуваат дека за ова се информирани и над 250 превозници-членки на МАКАМТРАНС на средбата со претставници од Секторот за патен сообраќај и инфраструктура.

- Со оглед на тоа дека во последните 12 месеци во РМ се купени над 250 возила со Еуро 5 стандард и вкупно во моментот има околу 1.210 вакви возила, како и 133 возила со Еуро 4 стандард, согласно фондот на дозволи со кои располага Република Македонија, во распределбата за 2012 година првенствена можност за аплицирање за годишни ЦЕМТ дозволи ќе има за возилата со највисока категорија, односно возилата кои се со Еуро 4 и Еуро 5 стандарди. Месечните ЦЕМТ дозволи ќе бидат наменети за возилата со Еуро 3 стандард и за нив ќе може електронски да се аплицира во текот 2012 година - се наведува во соопштението.

Аплицирањето за годишните ЦЕМТ дозволи ќе биде од 10 до 15 октомври, по што ќе се одржи јавна електронска распределба.